Երբ կլինի նավթի առավելագույն պահանջարկը 

Ընթացիկ տասնամյակում նավթի պահանջարկը կհասնի իր առավելագույն ցուցանիշին՝ չինական տնտեսության դանդաղման եւ էլեկտրամեքենաների աճի ֆոնին։ Այս մասին հայտարարել է Միջազգային էներգետիկ գործակալությունը (IEA)։ Միաժամանակ, ըստ ներկայացված զեկույցի, պահանջարկի առավելագույն մակարդակին հասնելը չի նշանակում, թե դրանից անմիջապես հետո սկսվելու է պահանջարկի անկում։ Ամենայն հավանականությամբ, առավելագույն ցուցանիշին կհաջորդի «բլրապատ պլատո, որը կպահպանվի դեռ երկար տարիներ»։

Զեկույցում նաեւ նշվում է, որ ածխաջրածինների պահանջարկը կմնա բարձր՝ ըստ Ցելսիուսի սանդղակի 1,5 աստիճան գլոբալ տաքացման պայմաններում եւս։ Համաձայն վիճակագրության, նավթի սպառումն առավելագույն ցուցանիշի հասել է 2020 թվականին, կազմելով օրական 102 միլիոն բարել, իսկ 21-րդ դարի կեսերին այն կնվազի, հասնելով 97 միլիոն բարելի։ Միջազգային էներգետիկ գործակալությունում նաեւ նշվում են, որ ներկայումս աշխարհի շատ ռեգիոններում անցում է կատարվում «կանաչ էներգետիկային», որը դարձել է անկասելի գործընթաց։ Իսկ այն, որ նավթն ու գազը ապագայի աշխարհի էներգետիկայի համար կարող են դիտարկվել որպես անվտանգ ու հուսալի էներգետիկ աղբյուր, այլեւս այդպես չէ։ Փորձագետները նշում են, որ սա առաջին դեպքն է, որ Միջազգային էներգետիկ գործակալությունում կանխատեսում են ածխաջրածնային էներգակիրների սպառման ծավալի նվազում կարճաժամկետ հեռանկարում։ 

Սերոբ Մարության