Ռուս խաղաղապահներն իրավունք չունեն զենք գործածել․ արձագանք՝ Պետդումայից
ՌԴ Պետդումայի պաշտպանության կոմիտեի ղեկավար Անդրեյ Կարտապոլովը մեկնաբանել է Լեռնային Ղարաբաղում տեղի ունեցող վերջին իրադարձությունները.
«Քանի դեռ ռուս խաղաղապահներին ինքնին ոչինչ չի սպառնում, նրանք իրավունք չունեն զենք օգտագործել»,- ասել է Կարտապոլովը։
Հիշեցնենք, որ այսօր կայացած ճեպազրույցի ընթացքում ՌԴ ԱԳՆ պաշտոնական ներկայացուցիչ Մարիա Զախարովան կոչ էր արել կողմերին դադարեցնել արյունահեղությունը և նստել բանակցային սեղանի շուրջ։ Նա նշել է, որ Բաքուն իր գործողությունների մասին նախապես տեղյալ չի պահել Մոսկվային։ Զախարովան ընդգծել էր, որ այս պահին ՌԴ-ն շփումներ է իրականացնում ադրբեջանական կողմի հետ և հանդես կգա լրացուցիչ հայտարարությամբ։
Ռուսաստանի ԱԳՆ ներկայացուցիչը շեշտել է, որ ստեղծված իրավիճակում ՌԴ խաղաղապահ առաքելությունը շարունակում է կատարել իր առջև դրված խնդիրները։ Մոսկվան ելնում է նրանից, որ խաղաղապահների անվտանգությունն անվերապահորեն կապահովեն բոլոր կողմերը։
Կարծիքներ