Եթե «Դիմադրություն» շարժումը չլիներ, Արցախը վաղուց հանձնված կլիներ․Արծվիկ Մինասյան

Ազգային Ժողովի «Հայաստան» խմբակցության քարտուղար, ՀՅԴ Գերագույն մարմնի անդամ Արծվիկ Մինասյանն այսօր Հրապարակ TV-ի տաղավարում անդրադառնալով օգոստոսի 31-ի բրյուսելյան եռակողմ հանդիպմանն, ասաց, որ պատերազմից հետո դավաճան իշխանությունից որևէ լավ բան պետք չէ սպասել։ Մինասյանը նշեց, որ Փաշինյանի կողմից արվող ցանկացած քայլ հայ ժողովրդին ստորացնելու համար է և Ալիևի ծրագրի մի մաս է։ Մինասյանը նկատեց, որ ցանկացած քննարկվող քայլ, լինի դա խաղաղության պայմանագիր,թե այլ բանակցային գործընթաց, դրանք բոլորն էլ մեր պետությունը դեպի ոչնչացում տանող քայլեր են։

«Ուշադիր եթե հետևենք, ակնհայտ է, որ այսօր Ադրբեջանի ծրագրի իրականացման շրջափուլում ցանկացած եվրոպական կառույց ավելի մեծ տեղ է հատկացնում Ադրբեջանին, քան թե Հայաստանին»,-ասաց Մինասյանը։

Անդրադառնալով  Արցախի ՊՆ նախկին հրամանատար Միքայել Արզումանյանին կալանավորելու որոշմանն ու նրան Շուշիի հանձնման մեջ մեղադրելը, զինվորականների դեմ քրեական գործերի հարուցումը նպատակ ունեն շեղել ուշադրությունը թիվ մեկ մեղավորից և որ սա պարզապես մեղավորներ գտնելու քաղաքականություն է։
Արծվիկ Մինասյանը չբացառեց, որ Ալիևի պահանջները բավարարող Նիկոլ Փաշինյանը Արցախյան ազատամարտերի մասնակից բազմաթիվ հերոսների նկատմամբ հետապնդում սկսեն և մի օր էլ արտանահանձնեն Ադրբեջան։

«Ակնհայտ է, որ Ալիևն իր հոխորտանքներով, իր բազմաթիվ հրապարակված սպառնալիքներով թիրախավորել է ոչ միայն Հայաստանի Հանրապետությունը, հայ ժողովրդին՝ հատկապես մեր թիվ մեկ անվտանգության երաշխավոր հայկական բանակին։ Եվ հայտարարել է, որ ցանկացած անձ, որը որ կռվել է կամ մասնակցել է Ադրբեջանի դեմ պատերազմին՝ նրանք պետք է պատասխանատվության ենթարկվեն։ Եվ երբ այս իշխանությունը, այս ռեժիմը, այսպիսի հանդիպումից առաջ և ոչ միայն այս դեպքում՝ տարբեր ժամանակահատվածներում նման գործողություն է իրականացնում, դա նշանակում է, որ այս մարդն ընդամենը բավարարում է Ալիևի ցանկությունը »,- նշեց Մինասյանը։

«Հայաստան» խմբակցության պատգամավորը չբացառեց, որ կարող ենք ականատես լինել Արցախյան ազատամարտի մասնակից բազմաթիվ հերոսների նկատմամբ հետապնդումների և մի օր էլ հնարավոր է իրավիճակ առաջանալ, երբ այդ հերոսներին պարզապես արտահանձնեն Ադրբեջան։

Սեպտեմբերի 25-ին ՏԻՄ ընտրություններում մասնակցության, ընդդիմության՝ ԱԺ նիստերին մասնակցելու կամ ձեռնարկելիք քայլերի մասին զրույցի մանրամասները՝ տեսանյութում։