Կովկասում անլուծելի խնդիր չկա․ Ռայիսին՝ Ֆիդանին
Իրանի նախագահ Սեյեդ Էբրահիմ Ռայիսին հայտարարել է, որ կովկասյան տարածաշրջանում անլուծելի խնդիր չկա, և ընդգծել է Թեհրանի հանդիպմանը «Կովկասյան համագործակցության խմբի» կարողությունների օգտագործումը առկա մարտահրավերներն ու խնդիրները լուծելու համար, գրում է Pars Today-ը։
Կովկասյան համագործակցության խմբի նիստին մասնակցելու նպատակով Թեհրան այցելած Թուրքիայի արտգործնախարար Հաքան Ֆիդանի հետ հանդիպմանը, Ռայիսին արդյունավետ է համարել տարածաշրջանի երկրների միջև ստեղծված մերձեցումն ու կոնսենսուսը առկա խնդիրների ու մարտահրավերների լուծման համար։
Իրանի նախագահն ասել է.«Մենք համոզված ենք, որ կովկասյան տարածաշրջանի երկրների միջև երկխոսությունը հիմք կհանդիսանա հիմնախնդիրների լուծման համար, և նույն չափ համոզված ենք, որ օտարների միջամտությունը կբարդացնի տարածաշրջանում տիրող իրավիճակը»:
Անդրադառնալով հինգ մայրցամաքներում աշխարհի ժողովուրդների եզակի և աննախադեպ բողոքին՝ ի աջակցություն Պաղեստինի ճնշված ժողովրդի, Ռայիսին կարևորել է Թուրքիայի դերը Գազայում կանանց և երեխաների դեմ հանցագործությունների տարածումը կանխելու հարցում և ընդգծել է իսլամական երկրների մերձեցման անհրաժեշտությունը ռմբակոծությունները դադարեցնելու և հրադադար հաստատելու պահանջով սիոնիստների վրա ճնշում գործադրելու համար։
Այս հանդիպմանը, ընդգծելով Իրանի Իսլամական Հանրապետության հետ Թուրքիայի համընթացությունը՝ տարածաշրջանային խնդիրները ներտարածաշրջանային բանակցությունների միջոցով և առանց արտաքին միջամտության լուծելու համար, Թուրքիայի արտգործնախարարը «Կովկասյան համագործակցության խմբի» հանդիպման անցկացումը հիմք է համարել կովկասյան երկրների միջև առկա մարտահրավերները լուծելու համար:
Ֆիդանը նախաձեռնող, արդյունավետ և վճռորոշ է համարել Իրանի Իսլամական Հանրապետության դերը տարածաշրջանում խաղաղության և կայունության հաստատման գործում:
Կարծիքներ