Տիգրան Մեծի վրա ծառերի սպանդ էր իրականացվում

Սամվել Վարդանյան Սամվել Վարդանյան 10 Նոյեմբեր 2025 | 16:52 0

Նոյեմբերի 10֊ի առավոտյան երևանյան փողոցներում հարցախույզի դուրս եկած «Հրապարակի» տեսախցիկը Տիգրան Մեծ պողոտայի վրա ֆիքսեց հերթական ծառերի սպանդը։ Կտրվում էին հաստ, կանաչ, ակնհայտ առողջ ճյուղեր ու ցողուն ունեցող ծառեր։

Կտրվում էին առանց պատշաճ սահմանազատման, կեղտն ու փայտի փոշին վերևից  թափելով անցորդների, այդ` թվում տարածքով անցող մեծ թվով զբոսաշրջիկների վրա։ Տարածքում բազմաթիվ քաղաքացիներ տեսախցիկի առաջ կշտամբում էին առողջ ծառերի հատումն իրականացնող աշխատակիցներին, վերջիններս էլ արդարանում էին, թե նոր ծառեր են տնկելու։