Մինչ Արցախում կրակում են, ՔՊ-ն Երեւանում իշխանություն է զավթում
Այսօր Արցախում թշնամին լայնածավալ հարձակման է անցել, իսկ Երեւանում նստած հայկական իշխանությունը փորձում է մայրաքաղաքում, ունենալով բնակչության 9 տոկոսի աջակցությունը, իշխանություն զավթել: Ժամը 14:00-ից սկսվել է ընտրատեղամասերում քվեների վերահաշվարկը, որն իրականացվում է Քաղպայմանագրի հրահանգով` որքան էլ, որ ՔՊ-ից հայտարարեն, թե իրենք չեն պահանջել վերահաշվարկ անել:
Ֆորմալ վերահաշվարկը պահանջել են ընտրական հանձնաժողովների նախագահները, որոնք իշխանության կատարածուներն են: Բնական է, որ նրանց այդ պահանջն ինքնաբուխ չէ, այլ ուղղորդված է իշխանությունների կողմից: Այս իշխանությունը որոշել է «փչացնել» բոլորին ու ամեն ինչ: Վերահաշվարկի արդյունքում էլ,ըստ նախնական ծրագրի, «կշահի» ոչ թե ՔՊ-ն, այլ նրա ստվերային բաղկացուցիչը` «Հանրապետություն» կուսակցությունը, որին նախատեսվում է մեկ մանդատ ավելացնել, որ մյուս ուժերը միասին չունենան առավելություն:
Երկիրը պատերազմի մեջ մտցրած եւ այսքան կորուստներ հայ ժողովրդին պատճառած Քաղպայմանագիրն ու Նիկոլ Փաշինյանը որոշել են իշխանությունից մազաչափ չզիջել եւ երկիրը վերջնականապես կործանման տանել` այդ պրոցեսը Արցախում արդեն սկսվել է:
Կարծիքներ