Տիգրան Ուրիխանյանը մանդատը վայր կդնի՝ երբ մենք ցանկանանք․ խմբակցության ղեկավար

«Հրապարակ»-ի տեղեկություններով Երեւանի ավագանու «Հանրային ձայնը»  խմբակցության անդամ Տիգրան Ուիխանյանը եւ Արտակ Գալստյանը պատրաստվում են վայր դնել մանդատները։ Ուրիխանյանը երկրում չէ եւ հայտնի չէ, թե երբ ու ինչպես կարող է վերադառնալ, իսկ Արտակ Գալստյանը բանտում է՝ նրան մեղադրանք է առաջադրվել, 40-ից ավելի դրվագներով՝ շորթման հոդվածով։

Սակայն խմբակցության ղեկավար Վահան Ավագյանը «Հրապարակ»-ի հետ զրույցում հերքեց Արտակ Գալստյանի՝ մանդատը վայր դնելու մասին լուրերը, իսկ Տիգրան Ուրիխանյանի մասով ասաց․ «Տիգրան Ուրիխանյանը մանդատը վայր կդնի այն ժամանակ, երբ մենք ցանկանանք։ Արտակ Գալստյանը հարյուր տոկոս չի դնում»։

Նշենք, որ 2 օրից տեղի կունենա Երեւանի ավագանու արտահերթ նիստ, որի օրակարգում քաղաքապետարանում պաշտոնների նշանակման հարցն է։ Հայտնի է, որ ՔՊ-ն որոշել է քաղաքապետի առաջին տեղակալ նշանակել ՔՊ վարչության անդամ, ԱԻ նախկին նախարար Արմեն Փամբուխչյանին, իսկ քաղաքապետի տեղակալներ՝ ՔՊ-ական Լևոն Հովհաննիսյանին ու Սուրեն Գրիգորյանին, երրորդ տեղակալի պաշտոնը կզբաղեցնի ՔՊ-ի հետ կոլաիցիա կազմած եւ Երեւանւմ իշխանություն վերցնելուն առաջկցած «Հանրապետություն» կուսակցության անդամ Սարգիս Մադաթյանը: Վահան Ավագյանն ասաց, որ իրենց խմբակցությունը՝ 5 հոգանոց կազմով մասնակցելու է նիստին։